Nâr-ı hasretinde yandı âşık-ı cûyendeler
Dilberin devrinde cândan âh u câh gûyendeler
Lâilâhe İllâllah
Muhammed Rasûlullah

Kays-veş sahrâ-yı aşka kim düşer mecnûn olur
Gül gibi solmaz olur mu dilbere dil-bendeler
Lâilâhe İllâllah
Muhammed Rasûlullah

Mûy-i zülf-i dilber-âsâ incelir cân riştesi
Fânûs-i sevdâda yanmış
âteşe bu bendeler
Lâilâhe İllâllah
Muhammed Rasûlullah

Serv-veş bir sâye salmış server-i hûbânlara
Dil-güşâ meyhânelerde zevk ede pâ-bendeler
Lâilâhe İllâllah
Muhammed Rasûlullah

Bir kamer-tal’at güneş-veş âl ile aldı dili
Bî-karâr etdi efendim cânımı gül-handeler
Lâilâhe İllâllah
Muhammed Rasûlullah

LUTFİYÂ bahr-i muhabbetin kenârı var mıdır
Bahr-i bî-pâyânîde gark oldu hep üfgendeler
Lâilâhe İllâllah
Muhammed Rasûlullah