Tarîk-I müstekîmi tâbi-i Kurân olandan sor
Gönülde intizâmı câmi-i irfân olandan sor

Nedir bu seyr-i envâ-i nevâkış rûy-i eşyâda
Mezâhir sırrına âgâh gözü insân olandan sor

Münekkirâne câsûsu’l-kulûblar seyreder nâsı
Nazardan sûreti dûn sîreti insân olandan sor

Bu dil mihr-i meârif cennet-i âcildir ey zâhid
Adem âlemine şâyân kamer-tâbân olandan sor

Derûnun derdine cânâ şifâyâb olmak istersen
Aref tıb-hânesinde LUTFİYÂ Lokmân olandan sor