Ne devletdir bâzâr-ı aşk kurulmuş
Bu bâzârda yine merdâneler var

Gönüller feyz-i Hak ile nûr olmuş

Gönüldür bahr-i nûr dürdâneler var

Severler hazret-i Hakk’ı gönülden

Bu gülzârda güzel güldâneler var

Tecellî-hâne-i Mevlâ gönüldür
Nazargâh-ı Hudâ dilhâneler var

Hidâyet şem’ası yanmış gönülde
O şem’a nice bin pervâneler var

Gönüldür merkez-i feyz-i İlâhî
Şerâb-ı aşk ile mestâneler var

Gönül şahbâzıdır bâzâr-ı aşkın
O mürg-i aşka âteş-lâneler var

Gönül mekteb-i irfânda okur ders
Bu şehr-i aşkda çok dershâneler var

Cihân şîr-I Hudâ’dan hâlî olmaz
Bu dîvânda yine divâneler var

Şükür LUTFÎ kerem-kâni Kerim’e

Mey-i vahdet verir meyhâneler var