Ey derd-perver-i elem-i Kerbelâ Hüseyn
V’ey Kerbelâ belâlarına mübtelâ Hüseyn

Gam pâre pâre bağrını yandırdı dâğ ile
Ey lâle-i hadîka-i Âl-i ‘Abâ Hüseyn

Tîğ-i cefâ ile bedenin oldu çâkiçâk
Ey bûstân-ı sebze-i tîğ-i cefâ Hüseyn

Yakdı vücûdunu gam-ı zulmet-sarây-ı dehr
Ey şem’-i bezm-i bâr-geh-i Kibriyâ Hüseyn

Devr-i felek içirdi sana kâse kâse kân
Ey teşne-i harâret-i berk-i belâ Hüseyn

Yâd et Fuzûlî Âl-i ‘Abâ hâlin eyle âh
Kim berk-ı âh ile yakılır hırmen-i günâh