Hâlimiz oldu bugün dillere destân giderek
Reşk eder fi’limize büt-i perestân giderek

Öyle bir simsiyâh renge boyandı bu cihân
Kalmadı binde biri kâmil îmân giderek

Kaynadı bahr-i şekâvet dutuben yer yüzünü
Olacak nehr-i dalâl hey’et-i tûfân giderek

Ced-be-ced İslâm iken bu derece keç-rev ola
Böyle kalırsa n’ola hazret-i Kur’ân giderek

LUTFÎ sen çekme elem adl-i Hudâ gayret-i Hak
Zuhûra geldi gelür bir ulu buhrân giderek