Aşkın ateşi baldır derd ehline zülâldir
Derd ehli olan dervîş kabûle olur şâyân

Esmâ-yı müsemmâdan gayri göremez ârif
Arif olanın gönlü merkez-i nûr-i irfân

Her vakt-i seher âşık meyhane-i ma’nâda
Demkeşler ile dâhil halka-i kadeh-hârân

Bir bâde ki bahş olmuş peymâne-i kudretle
Kim içse olur mahrem perdeyi atar cânân

Mekteb-i meârifde ders-i arefin bahsi
Ol âşıka mahsûs ki ezelden ola mestân

Her kim ki bulur râhı yâ Rab ne seâdetdir
LUTFÎ meğer Allah’dan erişe sana ihsân