Bir nazar eyleyin devr-i zemâne

Kârbân-ı İslâm çekildi gitdi
Hak yardım eylesün ehl-i îmâne
Hep ricâl-i kirâm çekildi gitdi

Ehl-i tevhîd bugün ne garîb kaldı

Derde şifâ veren ne tabîb kaldı
Hilm ü hayâ ile ne edîb kaldı
Ulemâ-yı ızâm çekildi gitdi

Mü’min ü muvahhid az az bulunur

Şer-‘i şerîf ba’zan süâl olunur
Gâhı gâh fetvâdan haber alınur

Kemâl ü ihtirâm çekildi gitdi

Hani yüzü nurlu ümmet-i Ahmed

Meyânda munkatı şer-‘i Muhammed
Zâtında Sabûr’dur Allahü Ehad
Bu dinden intizâm çekildi gitdi

Vallâhi açıkdır tevbe kapısı
Bu kâinât bütün Hakk’ın yapısı
Afv olunur günahların hepisi

Tevbeye ihtimâm çekildi gitdi

İttibâ-ı hevâ aldı derûnu
Tarîk-ı şeyâtîn dutdu berûnu

Doldurdu karnına kanı irini
Fark-ı helâl harâm çekildi gitdi

Kal’ oldu kalblerden envâr-ı îmân

Kesildi dillerden rızâ-yı Rahmân
İylik tarafına görünmez gümân
Salât ile selâm çekildi gitdi

Nisâlar ricâle emîr oldular
Ricâl gibi meydânlara doldular

Şeyâtînin ocağını kurdular
Hak yoluna devâm çekildi gitdi

LUTFÎ gaflet ile karardı âlem
Bahr-i gafletdedir ebnâ-yı âdem

Artmada şekāvet hayfâ dem-â-dem

Sıyâm ile kıyâm çekildi gitdi