Sevme dünyâda güzel ger olsa da Yûsuf-cemâl
Kevser olsa bâdesin içme budur fazl u kemâl

Neyleyim ol hüsnü kim dâim değildir neş‘esi
Neyleyem ol bâdeyi kim aklı eyler pây-mâl

Hüsn odur kim âşıka ta‘lim-i hüsn-i hulk eder
Bâde odur kim kemâli bulmaya asla zevâl

Etle kandan bir binâ yapmış ana tapmış durur
Mezbele içre havada kendini eyler hayâl

Ehl-i gafletten Kemâlî dâimâ eyle hazer
Meyli esfeldir anın hayr işlese eyler vebâl