Cânâne görünür bana cânâ neye baksam
Kâşâne görünür hem vîrâneye baksam

Mest olup ayağım nere basdığımı bilmem
Her bâr ol iki gözleri mestâneye baksam

Mahbûb sevisinden bizi men‘eyleme vâiz
İşitmez olur kulağım efsaneye baksam

Cümle bu cihân ol sanemin veçhidir el-hak
Ger mescid ü yâ deyre ya put- hâneye baksam

Her zerre Niyâzî heme hûrşîd-i münevver
Her katre hemîn lücce vü deryâ neye baksam