Senin aşkında mecnunam velâkin iştihârım yok
Demâdem dâğ-ı hasretle fiğândan başka kârım yok

Metâ-ı lütfunu almak içün sermayesiz geldim
O dürlü bir nehyi destim ki hatta ihtiyârım yok

Ne ilm-ü marifet verdin ne câh-u menkıbet yâ Râb
Bi hamdillâh ki bir zerre medâr-ı ihtiyârım yok

Beni nev-i beşer resminde ancak bir hayyula var
Cihânda kâm alırdım ben olaydı ger o vârım yok

Ne dârım var benim Es’ad ne de meyl-i diyârım var
Cemâli yârimden başka diğer bir intizârım yok