Âşıkın dâim işi efgân olur
Vâsılân hayretde hep hayrân olur
Âşıkân her dem karâr etmez gezer
Vâsılân-ı Hak bahr-i bî-pâyan olur
Âşıkân bülbül gibi nâlan eder
Vâsılân herdem gül-i handân olur
Âşıkân görmek diler dildârını
Vâsılân mahbub-î ins ü cân olur
Âşıkân aşk od’una durmaz yanar
Vâsılân bir âteş-i sûzan olur
Âşıkân derdine dermânlar diler
Vâsılân bî-derd ü bî-dermân olur