Tâlib-i derd olmayan dermâna vâsıl olmadı
Toprağa yüz sürmeyen ‘ummâna vâsıl olmadı

Çekmeyen beytü’l-hazende mihneti Ya’kûb-veş
‘Âkıbet ol Yûsuf-ı Ken’ân’a vâsıl olmadı

Cân u ten kaydındadır şunlar ki ey ‘âşık bugün
Sırr-ı pâk-i Hazret-i Cânân’e vâsıl olmadı

İçmeyen sâkî-i Hakk’dan feyz-i câm-ı ma’rifet
‘İlm ile bahr olsa da Rahmân’a vâsıl olmadı

Kibr ü kîn erbâbının îmânı yokdur Hakkıyâ
Her kimin îmânı yok ihsâna vâsıl olmadı