Bahâr oldu yine açıldı güller
Murâda bülbül erdiği zamandır
Safâ buldu ferahnâk oldu diller
Sanasın dağlar u bağlar cinandır

Saçıldı âbı rahmet kâinâta
Hayât erişdi eşcâr ü nebâta
Yetişti her biri tâze hayâta
Basîret ehline günden ayandır

Ademden geldi her biri vücûda
Müsebbih hem kıyâm eyler sücûda
Nihâyet yok atâ vü fazl-ı cûda
Hudâ’nın zât-ı pâkinden nişandır

Hüdâyî lutf-ı Hakk’ı fikr edegör
Kemâl-i fazlına hem şükr edegör
Hudâ’yı cân ü dilden zikr edegör
Ki zikr-i Hakk hayât-ı câvidandır