Cenâbından cemâlini
Müyesser eyle yâ Allah
Kemâlinden visâlini
Müyesser eyle yâ Allah

Gönül firkatde kalmışdır
Ciğeri kana kanmışdır
Hemân ihsâna kalmışdır
Müyesser eyle yâ Allah

Derûnum eylesen pür-nûr
Cemâlinle olur mesrûr
Yıkılmış sadrımı ma’mûr
Müyesser eyle yâ Allah

Fakîrindir kapunda ol
Anı bakdırma sağ u sol
Huzûrunda ola makbûl
Müyesser eyle yâ Allah

Raûfî’nin gücü yetmez
Seni ister yimez içmez
Anın sensiz işi bitmez
Müyesser eyle yâ Allah