Göñül bir dem karâr etmez hayâl-i yâre düşdüm ben
İçelden bâde-i aşkı yanar bir nâra düşdüm ben
Yüzünden fitneler peydâ kopar rûz-ı kıyâmetler
Göñüller mülkünü yağmâ eden mekkâra düşdüm ben
Haber yok ibtidâsından eser yok intihâsından
Yanar âteş derûnumda bir özge kâra düşdüm ben
Niçün Mansûr-veş yariñ yolunda ölmeyem ben kim
Bu sırrı bilmeyen ´âciz sanır inkâra düşdüm ben
Ebû derd olduñ iñlerseñ sevip ol hûbu ey Nakşî
Çekilmez çeşmimin yaşı ´aceb dil-dâra düşdüm ben