Eyyûb’am dil mübtelâyam derde dermân isterem
‘Âşıkam dil-hastayam câna cânân isterem

Ya‘kûb’am çok agladum Yûsuf içün çekdüm firâk
Yûsuf’am zindân içinde fazl-ı Rahmân isterem

Mûsâ’nun Tûr’ına vardum dost cemâlin görmeyi
Gitdi ‘aklum nâ-geh ol dem sırr-ı Sübhân isterem

Bir mekâna varmışam ki ol benüm yurdum degül
Hızr’ıla zulmete irdüm Âb-ı Hayvân isterem

Defter-i ‘amâlümi yüklendüm itdüm ‘azm-i râh
Menzil-i maksûda Hak’dan emr ü fermân isterem

Yûnus Emrem kimseler hîç bilmedi hâlüm benüm
Hâlümi ‘arz itmege bir merd-i ‘irfân isterem