Çü akdı havz-ı dile feyz-i akdes-i ezelî
Ter itdi tâzeledi rûy-i riyâz-ı emeli

Bu feyz olmasa Hakk’dan derûn-i insâna
Cihânda doymadan ömrüne irişir eceli

Vücûda terk-i salât ile yol bulur bu ölüm
Kaçan teveccüh-i Hakk’da zuhûr ider haleli

Bu vechi bahr-ı hakîkatde fehm iden ‘ârif
Dimez müderrise olsa Ebû Alî de belî

Bu denli kâmeti kütâh iken bu Hakkı’nın
‘Aceb değil mi ki irdi firâz-ı ‘arşa eli