Nûr-i Hak’dan halk olub bu şana gelmişlerdenüz
Sun-i Hakla suret-i insana gelmişlerdenüz

Gevher-i kân-ı rumuz-ı ilmü’l-esmâ biziz
Hâmil-i esrâr olub meydâna gelmişlerdenüz

Nuş-ı câm-ı aşk idüb bi-vasıta bezm-i elest
Âlem-i kâşâneye mestâne gelmüşlerdenüz

Hace-i Hızr-ı ledünnîden ta’ allüm itmeğe
Talibanuz mekteb-i irfana gelmişlerdenüz

Ey Selami âlem-i nâsute gelmekten ğaraz
İntisâb-ı Hazret-i Rahmâna gelmişlerdenüz