Arife sorgıl eğer sorar isen bu haberi
Sana arif verir ol senden içeru haberi
****
Haberi ister isen kim vereler can ile sor
Ki tene zahir olup gele belire eseri
****
Eseri can ile gönle erişip eyledi mest
Ol esreden yitirür Hallac-ı Mansur bu seri
****
Seyr ile bitmeye işin bu yola bakma güzaf
Mürg-ı ruhun döküser bunda nice bal u peri
****
Per-i akl ile uruc eyleyüp irmeye beşer
Kim anın nuruna doymaz ne melek ne beşeri
****
Beşeri sıfatı yak aşk oduna zerre koma
Gerü kendi gözün ile yüzüne kıl nazarı
****
Nazaro olalı ol binazarın Rumi sana
Gözetir oldu gözün daima Şam u seheri
****
Seheri gözler isen Eşrefoğlu ile bile
Ten ü candan geçüben Dost’a idesin seferi

Eşrefoğlu Rumi