Bana ne Şâm u ne şark u ne Burusa ne Hicâz
‘Aşkımın meydânına vallâhi bu sahrâdır az

Defterim ‘arzında bu ‘arz u semâvât oldu teng
Bir zirâ’ olmaz zemînin sâhası tûl ü dırâz

Gamze-i harfim niçe sihr-i helâle remz ider
Savt-ı kilkimden düşer ehl-i derûna söz ü sâz

Böyle müstağnî iken nâzı götürmez meşrebim
Dâimâ hâk-i tevâzu’-sûdadır rûy-i niyâz

Kışr-ı bî-lübdür ‘ale’t-tahkîk bahs-i kıyl u kâl
Görünür âyînesinde sûret-i zişt-i mecâz

Hakkıyâ terk-i edebdir eyleme da’vâyı ko
Dildeki hâlin müsâ’id olduğu mikdâr yaz