Bî-hôd olsa ‘âşıkânın mahv olur keyfiyyeti
Kendi gider anda Hakk söyler kelâm-ı vahdeti

Kendisin gören kişiye “lâ” u “illâ” der olur
Mahv olan dise ana isbât ider hakîkati

Çok namaz kıldın efendi dahi tekbîr itmedin
Mahv ile zikr eyleyüp nefy itmedin külliyyeti

Bilmediğin Hazret-i Mûsâ’ya kimdir söyleyen
Yok mudur ehl-i fenânın bir şecerce kıymeti

‘Ayna ‘aynın sem’a sem’in değişdi gör Şeyhiyâ
İşidir “innî enallah” nefy iden enâniyyeti