Mecnûn muyam ma’tûh muyam meczûb muyam bilmem neyem
Menfûr muyam mağfûr muyam mahbûb muyam bilmem neyem

Zâkir miyem fâtir miyem şâkir miyem bâir miyem
‘Âlim miyem tâlib miyem matlûb muyam bilmem neyem

Serhoş muyam ayık mıyam ‘âşık mıyam dâ’if miyem
Dost vaslına lâyık mıyam mağdûb muyam bilmem neyem

Handân mıyam giryân mıyam ‘uryân mıyam nâlân mıyam
Nâdân mıyam dânâ mıyam ma’yûb muyam bilmem neyem

Manzûm kelâmı Hazret-i Hasen dimişdir men dahi
Hâlimce taklîd eylerem melsûn muyam bilmem neyem

Sekseni geçdi sinn-i Kuddûsî fakîrin dir ki men
Azâdlı kullardan ‘aceb mahsûb muyam bilmem neyem