Bî-mekânem bunda ben sanman ki bünyâz eyledim
Bahr-i mutlakdır mekânım bunda pervâz eyledim

Ol hakîkat bahrının pür-tâb iden mevci benem
‘Aşk ile geldim cihâna cisme talaz eyledim

Ava saldı ol hakîkat şâhının şahbâzıyam
Avladım bunda şikârım ördek ü kaz eyledim

Cân Yûsuf’un çâha koydum bir zamân zâr eyledim
Hamdülillah zulmetinden nefsimin şâz eyledim

Bî-niyâzem ‘âlem-i kesret hevâsından bugün
Vahdetin envâr-ı zevkin şâha niyâz eyledim

Hâlime yâr olmayan vâkıf değil esrârıma
‘Aşk ile kim yâr olursa ta’lim-i râz eyledim

Cânı çevgân bâşımı top eyledim dergâhına
‘Aşkı meydânında şâhın anlaman nâz eyledim

Bir zamân gülzâr içinde hâr elinden ağladım
Verd ü reyhânım bulunca âh u feryâz eyledim

Bir zamân nefsin hevâsı kapladı cân iklîmin
Doğdu ‘aşkın âfitâbı kışımı yâz eyledim

Pâdişâh-ı lâ-yezâlin şem’inin pervânesi
Olmagk içün gönlümü gayrıya akmâz eyledim

Dir Sinân Ümmî bize lâzım değil gayrı mekân
Mürg-i lâhûtem anun’çün meskeni âz eyledim

Ümmi Sinan