Bu ribât-ı köhne içre görmedim bir dem neşât
Bin belâ gelir başıma bir zamân itsem neşât

Lutf u kahrın kısm idende halka kassâm-ı ezel
Bana kısmet-i kahr oldu bâkîye oldu neşât

Derd ü mihnet ol kadar oldu benimle hem-nişîn
Bir zamân olsam belâsız olamam bir dem neşât

Çün belâ resmin benim’çün çekdiler evvel rakam
Pes belâsız bir zamân diyin nicesi idem neşât

Tıynetin tahmîrini çün derd ü gam kıldı ezel
Pes sana oldu Hayâlî mihnet ile gam neşât