Bu gün tiğin çekip çıkmıştır ol nâ-mihr-ban ser-hoş
Sakın ey rahm eden cânına kim bilmez aman ser -hoş
Ana hûş-yar iken derd-i dil isterdim diyeni sâki
Pey-â-pey sunma câm ü kılma ol servi revan ser-hoş
Değil takvadan etsem bade terkin vehmim andandır
Ki izhâr eyleyem halk içre aşkın nâ-gehan ser-hoş
Meger kan içmek ile esrimiştir nergis-i mestin
Besî mey nüş edenler gördüm olmaz böyle kan ser-hoş
Mey-i aşkınla ser-mest olduğum ilden nihan kalmaz
Muhâl-i akldır kim saklaya râzın nihan ser-hoş
Gönül tâ oldu bî-hod aldı gamzen cânımı tenden
Verir yağmaya nakdin gencin olgaç pâs-ban ser-hoş
Fuzûlî gayr ile halvet meğer bezm etmiş ol gül-ruh
Rakîb-i kec-revi gördüm bu gün bârî yaman ser-hoş

Fuzuli