Bülbüller ağlasun feryâd eylesün
Güller gitdi gülzârına yetişdi
Sünbülleri sabâ irşâd eylesün
Bâd-ı hazân şikârına yetişdi
****
Allı güllü varakları soldurdu
Lâle yanakları kabre doldurdu
Şîr-i ner-veş erenleri öldürdü
Bu ibtilâ hezârına yetişdi
****
Derd-i derûn taşdı ummâne döndü
Bâr-ı gîrân kāf-ı kāmete bindi
Bir emengâh var mı zarf-ı rûh söndü
Oldu adem diyârına yetişdi
****
Lutfiya kamer-i himmet gurûbda
Ehl-i îmân bütün bahr-i kürûbda
Kanı gayret kalmamışdır kulûbda
Ahyâr olan mezârına yetişdi

Alvarlı Efe Muhammed Lütfi Hazretleri