Eyâ rahmân u yâ settâre’l-‘uyûb
Cemî’-i zenbime estağfirullah
Kerîm-i zü’l-‘atâ gaffâre’z-zünûb
Cemî’-i zenbime estağfirullah

Huzûrunda kusûrum hadden artuk
Velî lutf u kerem ki hadden artuk
Koyup kande dura Bîçâre artuk
Cemî’-i zenbime estağfirullah

Hudâyâ kân-i rahmetsin rahîmsin
Günahlar ‘afv idici bir kerîmsin
Suçum inkâr olunmaz sen ‘alîmsin
Cemî’-i zenbime estağfirullah

Elime cürmü ‘ısyânımı aldım
Kerîmâ ağlayup kapuna geldim
Garîb bî-çâreyem lutfuna kaldım
Cemî’-i zenbime estağfirullah

Garîb Bîçâre’dir redd itme Hakkâ
Firâkın âteşine atma Hakkâ
Anun itdiğini sen itme Hakkâ
Cemî’-i zenbime estağfirullah