Dervîşem deyüp de meydâna geldin
Varlığın terk edüp geçebildin mi
Bu meydâna gelüp erkâna durdun
Bu erkânın sırrın seçebildin mi

Hakîkat ehlinin doğrudur yolu
Muhabbet gülünde bağın bülbülü
Hulku Muhammed’dir meşrebi Ali
Bu meşrebden dolu içebildin mi

Pîre hizmet edüp erkânın içün
Bir amel kazanup îmânın içün
Aşk ile çalışup öz cânın içün
Muhabbet hırkasın biçebildin mi

Varlıkla yoklukla bâzâr eyleyüp
Küfr ile îmânın hem yâr eyleyüp
Kalbini arıtup i’mâr eyleyüp
Şekk ile gümândan kaçabildin mi

Bunda neler vardır bir nazar eyle
Yahşi yaman sakın alma sen dile
Nasîhatım tutup Bosnavî dinle
Cân gözünü bilmem açabildin mi