Padişah’a aşkını humhane kıl
Masiva’yı aşkına bîgane kıl
Zikr ü fikrinle beni pür nur idüp
Mest ü medhuş eyleyüp divane kıl

Benliğimdir senden ayıran beni
Varlığım şehrini yık virane kıl
Mürg-i ruhum meylini kes gayrıdan
Şol cemalin şem’ine pervane kıl

Gönlümü mir’at-ı vech-i zat idüp
Ol tecelli’le beni mestane kıl
Cezbe-yi feyz’in şerabın doldurup
Bu Niyazi bendeni meyhane kıl