Elâ ey fâtiha-i Hazret-i Zât
Elâ ey hâtime-i cümle lezzât

Hidâyet matla’ı şems-i risâlet
‘İnâyet ma’deni ‘ayn-ı şefâ’at

Vücûdun mâyesi mecmû’-ı hey’ât
Anın ‘aksi düşüpdür bu hayâlât

Cemî’-i kâinâtın mübtedâsı
Dü ‘âlem mümkinâtın müntehâsı

Şehâdet eyledi kıt’â melâik
Senin sıdkında ey şâh-ı memâlik

Tahiyyât u salât ile selâmet
Sana vü âl u ashâba temâmet

Dil ü cânımla oldum sana müştâk
Kapunda kulunam kıl beni i’tâk

Mücerred kıl sivâdan mutlak eyle
Şefâ’at kevserine muğrak eyle

Cemî’an enbiyânın hürmetiyçün
Sana münzel kitâbın ‘izzetiyçün

Raûfî pür-günâha kıl şefâ’at
Ana yeksân gâyet u bidâyet