Sırrını nâdâna izhâr etme cânân elden gider
Bülbül-i şûrîde olma gülsitân elden gider

Hüsnüne mağrûr olup cevr eyleme ‘âşıklara
Pâyidâr olmaz güzellik nâgehân elden gider

İlâhî tevbeler olsun bir dahi mey içmeyem
Mey içüp mahbûb olunca ihtiyâr elden gider

Dâimâ ‘aşk ehli ile âşinâlık eyle kim
Yâd ile biliş olunca âşinâ elden gider

Yûsuf’u gör kim Mısr’a pâdişâhdı bir zamân
Gör neler geldi seyr et bu zamân elden gider

Ey Niyâzî dünya içün zerrece gam çekme kim
Cidd-i cehd etmek lâzım çün ki canân elden gider