Terk eyle bu dem küfrünü îmân ele girsün
Cânını nisâr eyle ki cânân ele girsün

‘Aşk ile varup derd-i derûnu ide hâsıl
Her kim ki diler dünyede dermân ele girsün

Varsun bir erin nutk u nefes bendesi olsun
İsterse eger çesme-yi hayvân ele girsün

Deryâ seferi zahmetini kıldı mukarrer
Ol kim diledi lü’lü ü mercân ele girsün

‘Uzletde yürü vârını ser-cümle idüp çâk
Ey tâlib olan genc ile her kân ele girsün

Ger çekmez isen zahmını her hâr-ı belânın
Mümkün değil ol gonce-i handân ele girsün

Gurbî sana yâr olmayıcak dâr-ı bekâda
Sûdun ne durur cennet ü rıdvân ele girsün