Ey gönül ‘ahde vefâ kıl gel beru gel gir yola
Hakk Te’âlâ zikrini üns eyle bu cism ü dile

Gel beru gel ‘âkil isen anla kim bu ma’nâyı
‘Âşıka bil gam değildir Dost içün derd ü belâ

Evliyâ vü enbiyâ çekdi cefâlar dünyâda
N’eyledi gör ol şehîd-i şâh Hüseyn-i Kerbelâ

Hakk içün anlar bu yolda cân u bâş terk eyledi
Sen nice fedâ kılasın dînini cem’-i mâla

Bu fenâdır kimseye kılmaz vefâ yâ ehl-i râh
Gidisersin gör yarağın andadır asl-ı sıla

Yâ ilâhî sen meded eyle ki bu Ümmî Sinân
Aldanup düşmeye tâ kim bunda mekr ile âla

Pîr-i ‘azîzimdir Eroğlu hürmetine kıl nazar
Tâ varup dergâhına ol zâtını âsân bula

Ümmi Sinan