Ey hoş ol mest ki bilmez gam-i âlem ne imiş
Ne çeker âlem için gam ne bilir gam ne imiş
Bir perî silsile-i aşkına düştüm nâ-geh
Şimdi bildim sebeb-i hilkât-i Âdem ne imiş
Vâ’iz evsâf-i cehennem okur ey ehl-i vera’
Var anun meclisine gör ki cehennem ne imiş
Oku göğsümden ütüp kalmış imiş peykânı
Âh bildim sebeb-i âh-i dem-â-dem ne imiş
Ey Fuzûlî meze-i sâki vü sahbâ bildin
Tevbe kıl tâ bilesin zerk ü riya hem ne imiş

Fuzuli