Ey meh benimle dostlarım düşmen eyledin
Düşmen hem eylemez bu işi kim sen eyledin
Peykânlarınla doldu tenim âferin sana
Bî-dâd çekmeğe tenimi âhen eyledin
Tahsîn sana ki gönlüm evin tîre koymadın
Her zahn-i nâvekin ana bir revzen eyledin
Olsun ziyâde rif’atın ey âh-i âteşin
Mihmet-serâmızı bu gece rûşen eyledin
Eksilmesin tarâvetin ey eşk-i lâle-gûn
Gül gül tamıp makâmımızı gül-şen eyledin
Can çıksa menzil etmeğe ev tut habâbdan
Ey göz yaşı ki kasd-i binâ-yi ten eyledin
Mümkin değil cihânda Fuzûlî ikâmetin
Bi-hûde sen bu merhalede mesken eyledin

Fuzuli