Ezelden eylemiş Hakk ‘âşıkın sermâyesin belvâ
Belâsız işbu bâzâr içre geçmez zerrece da’vâ

Sivâdan rişte-i meyli kesüp Hakk ile olmakdır
Nedir bildin mi ey zâhid hakîkatde bugün takvâ

‘Azîmet Ka’be vü ruhsat senin eski mekânındır
Bilindi sâlikâ bundan nedir takvâ nedir fetvâ

Sivâ-yı Hakk’dan eyle bir ‘aceb perhîz ey ‘âşık
Nüzûl itsün gıdâ-yı rûh yensin menn ile selvâ

Muhabbetdir bugün maksûd işbu bezm-i ‘âlemden
Şu kim bî-behredir andan nedir bilmez beğim helvâ

Tennûr-ı gamda sûzân oldun ise ağlama Hakkı
Bilirsin düşmez ‘uşşâka belâ-yı ‘aşkdan şekvâ