Fazlın ile kıl bize lutf u kerem
Zâhir ola tâ ki esrâr-ı kıdem

Yemm-i cûdun reşhasıdur dü cihân
Şânına lâyık ne ola ez-‘adem

Kâinâtdan yoğ iken hergiz nişân
Levh-i dilde yazdı hubbunu kalem

Âsitânına n’ola kılsam ilticâ
Her merâma bâbın olur mültezem

Eyleye dil nakş-ı kevneynden güzer
Kalmaya mir’ât-ı kalbde hemm ü gam

Firkatinle bâlimiz kılma melûl
Câm-ı vaslın cür’asın sun dem-be-dem

Fazlın ile kıl Fenâyî’ye nazar
Ola tâ ki mahrem-i râz-ı harem