Fazlınla ganî kıl ey Rabb-i Kadîr
Fakîrem fakîrem fakîrem fakîr
Allahü’l-‘Azîm’sin ammâ ben fakîr
Hakîrem hakîrem hakîrem hakîr

‘Anâsır bâğına düşeli cânım
Nice demdir şöyle habs-i zindânım
Sen halâs it beni Rabb-i Rahmân’ım
Esîrem esîrem esîrem esîr

Belâ-yı Eyyûb’u çekmişdir tenim
Mihnet-i Ya’kûb’u görmüşdür canım
Derd elinde yoğrulmuşdur her yanım
Hamîrem hamîrem hamîrem hamîr

Hayretle gezerim bâğ-ı ‘âlemde
Yanarım her nefes âteş-i gamda
Hakkı Âdem Peygamber’e elemde
Nazîrem nazîrem nazîrem nazîr