Ehl-i îmânın efendim halka dîdârı garîb
Fi’li fi’line muhâlif dilde esrârı garîb

Dâhil-i dâru’l-emân olan Hudâ’ya âşinâ
Olanın ehl-i zemâne nûr-ı ebsârı garîb

Rabt-ı kalb itmiş Cenâb-ı Hazret-i Allah’ına
Secdede rû-ber-zemîn olmakda ızhârı garîb

Bir kerem-şân zât-ı zî-şân nûr-feşân insânı bul
Böyle bir zarf-ı sa’âdet merdin etvârı garîb

Çarh-ı keç-rev devr ider devrân bozulmuş çâre yok
Hakk’ı bilmiş hak-şinâsın Lutfî inkârı garîb