Garîbem bu cihân içre garîbe âşinâ olmaz
Ki bîgâne olandan âşinâya hiç vefâ olmaz

Garîbe âşinâ olan çıkar gurbet diyârından
Bilir bîgânelerden çeşmi zîrâ rûşenâ olmaz

N’ider âdem olan dünyâ sarâyında oturmakdan
Ana cennet gibi ârâm içün pâkîze câ olmaz

Seferlerde hazarlarda ne gurbet ne vatan bilmez
Ta’alluk ehli çün ehl-i fenâ ehl-i bekâ olmaz

İki ‘âlem hicâbından halâs oldunsa ey Hakkı
Gözünden pertev-i nûr-ı Hudâ hergiz cüdâ olmaz