Abdullah Tamamlar-Gönül Bir Deyre Benzer

Gönül bir deyre benzer mâsivâ nakşı put olmuşdur
Kuvâ-yı bed-güherle sağ u sol ol deyr dolmuşdur

Gel imdi bezm-i hâss-ı yârdan ağyârı tarh eyle
Keder gelmiş safâ-yı rûha çok noksân bulmuşdur

İrişmişdir fenâ gülzâr-ı câna rüzgâr ile
Gül-i nev-hîz-i dil bâd-ı kederden hayli solmuşdur

Gönül milkin imâret eyle elden gitmeden şâhım
Perî-rûyân-ı rûha dîv-peykerler koşulmuşdur

Nigeh-bân-ı emânet ol uyan gafletden ey Hakkı
Senin kalbin harâbatında gencîne konulmuşdur