Gördükde o rûy üstüne ol hâl-i siyâhı
İfhâm edemem leyl ü nehâr çekdiğim âhı
Bin cân alıyor naz ile bir kerre nigâhı
Allah için Allah diyelim Hû diyelim Hû

Derd ü elemi hicr ile nây eyleyüb efgân
Esrâr-ı Hüdâ söylemede âşıka her ân
Ey dil olayım dersen eğer mazhâr-ı irfân
Allah için Allah diyelim Hû diyelim Hû

Duydun mu aceb nâyîden esrar-ı alîyi
Bildin mi Nazif nükte-i feyz-i ezelîyi
Ârif olayım dersen eğer sırr-ı hafîyi
Allah için Allah diyelim Hû diyelim Hû