Gözler seni rûz-i cezâ mevcûd-i mahşer yâ Resûl
Hayrü’l-verâ sensin hemân ey nûr-ı Hakk asl-ı usûl

Yevm-i kıyâm enbiyâlar intihâb eylerler seni
Bâb-ı şefâ’at fethine niyâzın eyler Hakk kabûl

Rehber-i râh-i hidâyet kıldı seni o zü’l-kerem
Vâsıl olanlar sen ile buldu reh-i vasla vüsûl

Âhir zamân peygamberi evliyâların rehberi
Nûr-ı hidâyet dilberi halk oldu nûrundan rusül

‘Âleme hurşîd-i hüdâ Habîb-i Zât-ı Kibriyâ
Rûz-i kıyâmet muktedâ her dü-serâ şem’-i sübül

İstirhâm eyler ümmetin merhametin mâdenisin
Lutfî’ye lutfet yâ Resûl biz ümmetin eyle kabûl