Kös-i rihlet çaldı mevt amma henüz can bî-haber
Asker-i azaya lerze düşdi sultan bî-haber

Günde bir taş-ı bina-yı ömrümün düşdi yire
Can yatar gafil binası oldı viran bî-haber

Dil bekası Hak fenası istedi mülk-i tenim
Bir devasız derde düştüm ah ki Lokman bî-haber

Bir ticaret kılamadım nakd-i ömür oldı heba
Yola geldim lakin göçmüş cümle kârban bî-haber

Çün gel oldu yalınız girdim yola tenha garib
Dide giryan sine püryan akıl hayran bî-haber

Azığım yok yazığım çok, yolda dürlü korku var
Yolımu alursa n’ola ger div ü şeytan bî-haber

Yol erü yolda gerekdür çağ-u çıplak aç-u tok
Mısri’ye gel didi sana çünkü canan bî-haber