Halâs eyle bizi bâr-ı belâdan
Elimiz al geçir râh-ı hatâdan

Firâk oduna sûzân itme cânı
Umarız vaslın envâ’-ı ‘atâdan

Dü ‘âlem zevkini eyle ferâmûş
‘Ubûr eyleye dil ağ u karadan

Nedir maksûd me’ânîsin beyân it
Bu hâk ü nâr u mâ ile hevâdan

Bekâ milkine bülbül kıla pervâz
Güzer ide bu gülzâr-ı fenâdan

Cemâline celâlin kılma perde
Açılsın ravza-ı diller safâdan

Sebak iken ledünnîden Fenâyî
Okur hüsnü kitâbın harf-i “bâ”dan