Hudâ ‘âşıklarında ‘ucb u kibr ü kizb ü kîn olmaz
Resûl-i Hakk dedi kîni olan kişide dîn olmaz

Sakın kîn ü küdûretden halîm ol ma’rifet kesb it
Kıyâmet kopsa ‘ârif Tanrı’dan bilir hazîn olmaz

Tekebbür itme ey zâhid günahkâr kullara zîrâ
Enâniyyet iden ‘âbid Hudâ’sına yakîn olmaz

Sivâdan geç eğer yâr ise maksûd olmagıl müşrik
Ki gayra iltifât iden durur hâin emîn olmaz

Hazer it kibr ü şirkden hîç tekebbür itme Kuddûsî
Ululuk idene Mevlâ gadab eyler mu’în olmaz