Hurşîd-i muhabbet dile doğunca
Sen seyr eyle o dem bahr-ı ‘ummânı
Kamer-i hidâyet kemâl bulunca
Açılır ebvâb-ı feyz-i rabbânî

Gülistân-ı gönül güller açınca
Seherde gonceler bâde içince
Eşgâl-i mâsivâ elden göçünce
Hâsıl olur kurbiyyet-i rahmânî

Dilde yanar hidâyetin çerâğı
Bahr-ı sa’âdetin yokdur kırağı
Bahr-ı muhabbetin olmaz ferâğı
Leyl ü nehâr eyler zevk-ı rûhânî

Ehl-i ‘aşkın olur himmeti ‘âlî
Muhabbet-i Mevlâ dilde nevâli
Sermest-i serbâzın yokdur suâli
‘Âlem-i ademde alır meydânı

Kurbân olur der-i dergâh-i yâre
Sular gibi akar gider diyâre
Meyl eylemez Lutfî dâr u diyâre
Bırakır gönlünden şöhret ü şânı