Ehl-i fenâ olan kişi dünyâda
Bu fânî dünyâya iltifât itmez
Terk-i tecrîd ile iren murâda
Atlas u dibâya iltifât itmez

Gönülden giderüp cümle teşvîşi
Zikr ü fikr-i Mevlâ eyle her işi
Gönül kasrın ma’mûr eyleyen kişi
Mu’allâ sarâya iltifat itmez

Kesilmeden dünyâ senden sen kesil
‘Aşk ile olagör Hakk’a muttasıl
Âyîne-i dilden gerd-i gayrı sil
Dil ehli sivâya iltifât itmez

Hübûb itse dile nesîm-i fenâ
Açılır ezhâr-ı bustân-ı bekâ
Hakk’dan bûy alanlar bugün Hakkıyâ
Şol gül-i ra’nâya iltifât itmez