Cemâlin nûrunu feyz it ilâhî
‘İnâyet eyle sultânım ‘inâyet
Çü sensin pâdişahlar pâdişahı
‘İnâyet eyle sultânım ‘inâyet

Esîr-i firkati âzâd eyle
Gam-ı hicrânı ref’ it şâd eyle
Garîbi lutfun ile yâd eyle
‘İnâyet eyle sultânım ‘inâyet

Keremden cây-ı bî-câ kıl mekânım
Seninle âşinâ it cism ü cânım
‘Iyân eyle bana sırr-ı nihânım
‘İnâyet eyle sultânım ‘inâyet

Yeter vâdî-i firkatde garîb it
Sana cezb eyle ‘uşşâkı karîb it
İlâhî Hakkı’ya vaslın nasîb it
‘İnâyet eyle sultânım ‘inâyet