İslâm’da şeref emn ü emân kalmadı gitdi
İylik umulur devr-i zemân kalmadı gitdi
Câhil ü cefâkâr eline verdik umûru
Erbâb-ı kemâl kesdi gümân kalmadı gitdi
Ref‘ oldu ilim rûy-i zemîn doldu zulümât
Herkesde kemâl ile îmân kalmadı gitdi
Îmân ile İslâm umulur zât-ı kerem-şân
Mülk-i ademe oldu revân kalmadı gitdi
Envâ-ı rezâletde olan etdi teşehhür
Ashâb-ı nâmûs pîr ü civân kalmadı gitdi
N’oldu n’oliser ehline meydânda hüveydâ
Lutfiya bugün Hakk’ı soran kalmadı gitdi

Alvarlı Efe Muhammed Lütfi Hazretleri